是米芝蓮的錯，還是食家的錯？

話說國際車胎公司米芝蓮終於出左一本香港美食評鑑，用黎將佢地眼中香港一堆優質食肆作出評級、推介

"今次的港澳版《米芝蓮》中，共介紹了二百五十一間來自港澳兩地的餐廳，當中香港佔二百零二間，澳門佔四十九間。本港共有廿二間食肆獲頒米芝蓮星級，當中位於中環四季酒店的「龍景軒」是香港唯一一間被米芝蓮評為最高榮譽的「三星級」食肆，其總廚陳恩德更是全球首位三星級中廚；而「二星級」食肆則有七間，如香宮、Amber等；至於「一星級」食肆則多達十四間，當中包括港人非常熟悉的鏞記、富豪劉鑾雄經常光顧的富豪飯堂灣仔福臨門等。"

"香港餐食聯業協會會長黃家和直言港澳版米芝蓮「得啖笑」，「有乜理由福臨門、富臨同鏞記呢啲食肆既中菜，會差過啲酒店中菜廳？所以唔使咁認真睇呢本書。」
著名食家蔡瀾直截了當說不會購買該本港版米芝蓮，直指該書完全沒有代表性。他表示，去年米芝蓮推出東京指南惹來當地業界很大爭議，獲星級的食肆大部份是西餐廳，入選日式料理鳳毛麟角，「米芝蓮咁做係想製造爭議，咁本書咪好賣。」"

---

實情又係咪咁呢？係咪真係鬼佬唔識食中菜？

我覺得...其實比重好小
而米芝蓮既result亦進一步証明我既飲食觀念比起所謂既「性價比」觀念更被國際接受。

好簡單黎講
一間o係九記午腩對面好出名既「大排檔」，甚或至好多人話好食既九記牛腩，又或者大家心目中好好食既和民呀、板長、澳牛呀，義順呀咁，全部榜上無名，點解？

甚至香港食家們甘之如飴既「鏞記」，點解都只係落得「一星」既慘淡收場？

歸根究底就係香港一種好ＰＫ既飲食文化：「frd底有好貨」
仲有一樣明明好重要，香港人睇得好淡既野：SERVICE

大佬呀，你大名鼎鼎蔡瀾、滔滔.....就算次一級，Ricky, 紀曉華、蘇Ｃ黃之流.....
踩人地場，唔通人地會俾柒野你食咩

所以呢方面, mystery eater應記一功，將偽善鋪頭既真面目表露出黎
我自己就食過鏞記燒鵝...嘩，Ｄ鵝，鞋Ｘ到呢....
柴皮咁既樣，鵝頸街市Ｄ太子鴨仲好食過佢，重慶大廈Ｄ咖喱亦有特色過佢

若果唔係佢門面裝修靚，一星都唔值俾佢啦(雖則依家俾左我都唔覺佢值有星)

跟手就講到SERVICE

有好多人可能唔介意waiter既service，
雖然介意既人越黎越多(我一向提倡係食service的)
呢樣野對一個唔知任何一個地方文化既試食者，其實亦都好重要
情況就好似去買廠機、電器，正常黎講個sales會多Ｄ explanation去勸你買佢product一樣

所以，果Ｄ齋好食，無service既地方，亦係唔應該入米芝蓮的。

當然，我唔係話米芝蓮o岩晒
但係食家對米芝蓮既評價方面，只係俾人一種輸打贏要，自己吹捧開既地方無三星而此地無銀一樣，更無說服力。